Новы твор маладога беларускага аўтара Кірыла Стаселькі «Дзевяць жыццяў Віта Морэ» прэтэндуе адразу на два рэкорды беларускай літаратуры: жанравы – іх у рамане выкарыстоўваецца 7 – і па колькасці персанажаў – больш за 260.
«Дзевяць жыццяў Віта Морэ» ‒ гэта дыялог, але не чытача з аўтарам, а з самім сабой. Галоўны герой Віта Морэ ‒ не толькi канкрэтная асоба, але i вобраз, які адначасова i яднае людзей, i выяўляе іх рознасць і непаўторнасць.
Кірыл Стаселька вядомы як аўтар кнiг «Дзіцячы маніфест» і «Marginalis», якiя ўваходзілі ў спісы шэрагу літаратурных прэмій – імя М. Багдановіча і Е. Гедройца. Плануецца, што ў продаж новы раман «Дзевяць жыццяў Віта Морэ» трапiць у лютым, але ў прыхільнікаў творчасцi пісьменніка ёсць магчымасць набыць яго больш танна праз Талаку.
