25 снежня ўрачыстыя набажэнствы адбыліся ва ўсіх каталіцкіх святынях па ўсім свеце. Ужо больш за 2000 гадоў для ўсіх хрысціян Нараджэнне Хрыстова сiмвалiзуе радасць, свет i ўваходжанне Бога ў жыццё кожнага чалавека.
Напярэдаднi свята амаль чатыры тыдні доўжыцца падрыхтоўка да яго – Адвент. У гэты час кожную раніцу ў касцёлах адзначаюць Святую Імшу – рараты – у гонар Найсвяцейшай Панны Марыі. А кожная нядзеля Адвенту прысвячаецца пэўнаму ўспаміну, якому адпавядае евангельскае чытанне пад час багаслужэння.
Усё гэта спалучаецца з калядным постам. На куццю ўстрыманне асабліва строгае. Звычайна ў гэты дзень каталіцкія вернікі не ўжываюць ніякай ежы да з´яўленя першай вячэрняй зоркі.
У ноч з 24 на 25 снежня ва ўсіх касцёлах адбываюцца святочныя набажэнствы і ўрачыстасці у гонар Нараджэнне Хрыстова. Святыні абавязкова ўпрыгожваюцца. Асаблівы святочны настрой надаюць калядныя ёлкі. Звычайна, на самым відным месцы змяшчаецца мініяцюра біблейскай сцэны: яслі з нованароджаным Хрыстом, якому прыйшлі пакланіцца валхвы.
Нараджэнне Хрыста – гэта сямейнае свята. Гэта радасны дзень надзеі, сімвал збаўлення ад грахоў. Усіх вернікаў з вялікім святам павіншаваў біскуп Пінскі Антоні Дзям´янка.
