Напачатку кастрычніка ў вёсцы Мерчыцы ўрачыста адкрылі Цэнтр традыцыйнай культуры і побыту «Спадчына Палесся». Назва гаворыць сама за сябе – тут у розных экспазіцыях сабраны шматлікія артэфакты са ўсёй Піншчыны, якія вельмi натуральна дэманструюць сялянскае жыцце мінулага стагоддзя. У стварэннi цэнтра, якое было запланавана ў межах Года Культуры, прынялі ўдзел амаль усе вёскі раёна. Яго галоўная мэта – захаванне аўтэнтычнай культуры Пінскага Палесся.
Зараз у цэнтры адкрыты некалькi экспазіцый – гэта пакоi пляцення з лазы, драўляных прылад, ткацтва, нацыянальнага строю i хата палешука. Тут на ўласныя вочы можна пабачыць, як калiсьцi сяляне рабілі розныя справы цi нават прыняць удзел у мясцовым абрадзе ці забаўках.
Трэба асаблiва адзначыць, што свой ўнёсак у такую вялiкую справу, як адкрыццё культурнага цэнтра, зрабілі жыхары кожнай вёскі па ўсім Пiнскiм раёне. Этнаграфічныя скарбы руплiва збіраліся ў розых кутках Пінскага Палесся і зараз змешчаны ў адным месцы – у Мерчыцах.
Адкрыццё цэнтра традыцыйнай культуры – гэта толькі першая прыступка на шляху яго развіцця. Раённая адміністрацыя мае вельмi перспектыўныя планы на рознабаковае пашырэнне яго дзейнасцi.
