На працягу дзвюх дзён 2 і 3 чэрвеня вёска Парэчча ў Пінскім раёне стане вялікай святочнай пляцоўкай тут адбудуцца абласны конкурс Грай гармонік Звіні прыпеўка і маштабнае свята сямейнай творчасці...
На працягу дзвюх дзён, 2 і 3 чэрвеня, вёска Парэчча ў Пінскім раёне стане вялікай святочнай пляцоўкай – тут адбудуцца абласны конкурс «Грай, гармонік! Звіні, прыпеўка!» і маштабнае свята сямейнай творчасці «Пад дахам дома твайго». Арганізатары мерапрыемства – галоўнае ўпраўленне ідэалагічнай работы, культуры і па справах моладзі Брэсцкага аблвыканкама, Брэсцкі абласны грамадска-культурны цэнтр і Пінскі райвыканкам – запрашаюць далучыцца да свята ўсіх жадаючых. Мерапрыемсты пройдуць на беразе ракі Ясельды і ў аздараўленчым лагеры «Парэчча».
У суботу, 2 чэрвеня, у Парэчча пройдзе конкурс сярод лепшых выканаўцаў на гармоніку і ансамбляў гарманістаў з ўсёй вобласці, ансамбляў народных інструментаў, прыпевачнікаў, вечарына «Запрашае гармонік сяброў», а таксама конкурс на лепшае афармленне падворка вёскі.
У нядзелю, 3 чэрвеня, у амфітэатры лагера «Парэчча» адбудзецца конкурс удзельнікаў свята сямейнай творчасці «Пад дахам дома твайго». На беразе Ясельды будуць арганізаваныя выстава дэкаратыўна-прыкладной творчасці і дзіцячая пляцоўка з атракцыёнамі ды разнастайнымі гульнямі. Напрыканцы свята усіх гасцей чакае святочны канцэрт.
