Вядомы беларускі акцёр і тэлевядучы Юрый Жыгамонт і лёгкаатлетка Аліна Талай правялі заняткі па беларуской мове і літаратуры ў Пінску ў межах адукацыйнага праекта «Чытаем па-беларуску з Velkom». Удзельнічаць у iх пашчасціла вучням малодшых класаў гімназіі №1, СШ № 3, 10.
Iніцыатарам сацыяльна-асветніцкага праекта выступіла кампанія Velkom пры падтрымцы Міністэрства адукацыi Беларусi. За першы месяц гэтага навучальнага года ўрокі беларускай мовы і літаратуры адбыліся ўжо ва шматлікіх школах і гімназіях Брэста, Кобрына, Баранавічаў і Бярозы. А напачатку кастрычніка прайшлі і ў Пінску. Іх праводзілi пастаянны настаўнік праекта – вядомы ўсім і кожнаму спадар Юрый Жыгамонт i спартсменка Аліна Талай.
Арганізатары і настаўнікі спадзяюцца, што дзякуючы такому праекту і такім ініцыятывам, значна і ў новай якасці пашырацца веды беларусаў пра сваю гісторыю і культуру. Вучні пачатковых класаў, для якіх ладзяцца ўрокі, успрымаюць такія мерапрыемства з вялікім захапленнем.
Як звярнуў увагу Юрый Жыгамонт, у Пiнску няма ніводнай беларускамоўнай школы. І гэта, на вялiкi жаль, агульная тэндэнцыя для рэгіёнаў. Сучасная беларуская мова знаходзіцца ў вельмі цяжкім стане і патрабуе, каб ей надавалі больш увагі.
Фото: Константин Масловец
